Soo kaun daut kome: Wie habe opp veschiedne Steda emma wada enjelodt, bie onsem Projatjt mett to moake, oba daut habe sich leida nich soo vel Mensche jemaldt, aus wie daut wulle... Schod. Oba nich schlemm. Schlieslich tjen wie uck en Tookunft aune plautdietsche Wikipedia wieda oabeide en schaufe. Wea well, moakt eenfach mett! Woo goot ooda woo schwak onse mennische Wikipedia noch es, en wuromm daut soo es, daut woat nu em Somma uck en onse oole Heimat aune Weichsel to here senne. Doa es dee ditjoasche Wikimania - en Peeta Wiens es ennjelodt, doa een bet to berechte...
Dee Bilda bowe staume ute Plautdietsch-Studienreis 2001 mette Plautdietsch-Frind no Daunzich. Doa were uck Peeta P. Klose (Foto) mett siene Dochta Marlies doabie. Dee oole Marienburch we waut gaunz Besondret...
